തിരുഹൃദയ തീർത്ഥാടനകേന്ദ്രത്തില്‍ പ്രവർത്തിച്ചുകൊണ്ടിരിക്കുന്ന മതബോധന യൂണിറ്റിന്റെ എല്ലാ പ്രവർത്തനങ്ങളുടെയും മേൽനോട്ടം ബ. വികാരി. ഫാ. ജോബ്‌ വടക്കന്‍ നിർവ്വഹിക്കുന്നു. പ്രധാന അദ്ധ്യാപകനോടൊപ്പം 30 മതാദ്ധ്യാപകരും, ബ്രദേഴ്സും, വിദ്യാർത്ഥികളും, പി.ടി.എ. കമ്മിറ്റിയും ഒന്നിച്ചു പ്രവർത്തിക്കുന്നു. എല്ലാവരുടെയും കൂട്ടായ പരിശ്രമത്തിന്റെ ഫലമായി രൂപതാതലത്തില്‍ ബെസ്റ്റ് മോഡല്‍ യൂണിറ്റായും, ഫൊറോന തലത്തില്‍ 2 തവണ ബെസ്റ്റ് മതബോധനയൂണിറ്റായും തിരഞ്ഞെടുത്തു. മതബോധന അക്കാദമിക് ലെവലിൽ 2014 - 2015 വർഷത്തിൽ തൃശ്ശൂർ അതിരൂപതയിൽ ഒന്നാംസ്ഥാനം പെരിഞ്ചേരി യൂണിറ്റ് കരസ്ഥമാക്കി. മതബോധനവിദ്യാർത്ഥികള്‍ സ്കോളർഷിപ്പ്‌ പരീക്ഷയിലും, ലോഗോസ് ബൈബിള്‍ ക്വിസില്‍ റാങ്ക് നേടി വിദ്യാർത്ഥികള്‍ കഴിവ് തെളിയിച്ചു വരുന്നത് ഈ തീർത്ഥകേന്ദ്രത്തിന്‌ ഒരു തിലകകുറിയാണ്.

തിരുഹൃദയ ദേവാലയത്തില്‍ എല്ലാ ഞായറാഴ്ചയും ഭജനഗാനത്തോടുകൂടി ആരംഭിക്കുന്ന വിശ്വാസപരിശീലനത്തിൽ, വിദ്യാർത്ഥികളുടെ വ്യത്യസ്ത ജീവിതതലങ്ങളിലുള്ള വളർച്ചക്കും ഊന്നൽ‍ നൽകുന്നു. അതിനായി വിദ്യാർത്ഥികളെ പ്രാർത്ഥിക്കാനും ജീവകാരുണ്യത്തിന്റെ ഭാഗമായി വേദനിക്കുന്ന കൂട്ടുകാര്‍ക്കുവേണ്ടി ത്യാഗങ്ങള്‍ സഹിച്ച്, അതിലൂടെ ഒരു ധനസഹായം നൽകാനും, പ്രകൃതിയില്‍ ദൈവത്തെ കാണാനും, കൃഷിയെ സ്നേഹിക്കാനും, പരിശീലനം നൽകി വരുന്നു. സാമൂഹ്യസേവനത്തിനായി രോഗീസന്ദർശനം, രക്തദാനം, പൊതിച്ചോറുവിതരണം എന്നിവയിലും വിദ്യാർത്ഥികള്‍ സഹകരിക്കുന്നു. വിദ്യാർത്ഥികളുടെ സ്വഭാവരൂപികരണം ലക്ഷ്യമാക്കി ആധുനിക സാങ്കേതികവിദ്യകള്‍ ഉപയോഗിച്ച് മീഡിയ ക്ലാസ് നടത്തുന്നു. കലാ- സാഹിത്യങ്ങളിലുള്ള വളർച്ചക്കായി വിദ്യാർത്ഥികളെ കയ്യെഴുത്ത് മാസികയിലും, പൂക്കളമത്സരത്തിലും പങ്കെടുക്കുകയും ചെയ്യുന്നു.

വിശ്വാസപരിശീലനത്തിലൂടെ കുട്ടികളുടെ അത്മീയവും ഭൗതീകവുമായ വളർച്ചയ്ക്ക് ആവശ്യമായ പ്രവർത്തനങ്ങള്‍ വികാരിയച്ചനും, പ്രധാന അദ്ധ്യാപകനും, മതാദ്ധ്യാപകരും, പി.ടി.എ. യും നടത്തിവരുന്നുന്നത് ഇടവകയുടെ ഉന്നമനത്തിന് സഹായകമാകുന്നു.